بەمەبەستی بەرزكردنەوەی ئاستی هۆشیاری تەندروستی و پێشكەشكردنی  خزمەتگوزاری پزیشكی بێبەرامبەر،دوانزەیەمین فێستیڤاڵی ساڵانەی تەندروستی لە شاری سلێمانی بەڕێوەچوو، لەم چالاكییەدا خوێندكارانی بەشە پزیشكییەكان ڕاستەوخۆ پێشوازییان لە هاووڵاتیان كرد و چەندین پشكنینی تەندروستییان بۆ ئەنجام دان، لای خۆشیانەوە هاووڵاتیان تەئكید لە ئەنجامدانی ئەم جۆرە چالاكییانە دەكەنەوە لەپێناو خزمەتگەیاندن بە تەندروستی گشتی.