سەرۆك كۆمار لە سلێمانییە   نزار ئامێدی سەرۆك كۆماری عیراق، لە یەكەم گەشتیدا وەك سەرۆك كۆمار،لەرێگەی (فڕۆكەخانەی نێودەوڵەتیی جەلال تاڵەبانی)یەوە  گەیشتە شاری سلێمانی و لەلایەن  پارێزگاری سلێمانی و جێگری سەرۆكی یەكێتی و شێخ جەعفەر شێخ مستەفا و ژمارەیەك  ئەندامانی مەكتەبی سیاسی یەكێتیی نیشتمانیی كوردستانەوە پێشوازی لێكرا.

بڕیارە سەرۆك كۆمار سەردانی مەزاری سەرۆك مام جەلال لە دەباشان بكات و تاجە گوڵینە لەسەر مەزارەكە دابنێت ،دواتریش زنجیرەیەك كۆبوونەوەی گرنگ و بەرهەمدار لە شاری سلێمانی ئەنجامبدات.

رۆژی شەممە لەئەنجومەنی نوێنەرانی عیراق،  بە 227 دەنگی ئەندامانی ئەنجومەنەكە نزار ئامێدی بەسەرۆك كۆماری عیراق هەڵبژێردرا و رۆژی یەك شەممەش لەڕێوڕەسمێكدا كەلەكۆشكی بەغداد بەڕێوەچوو، ئاڵو گۆڕی دەسەڵاتكرا و ،نزار ئامێدی  بەڕەسمی ئەركی سەرۆك كۆماری عیراقی گرتە ئەستۆ.