سەرۆکی فراکسیۆنی بزووتنەوەی بابلیون لە پەرلەمانی کوردستان ڕایگەیاند، کۆبوونەوەی پەرلەمان لەژێر فشاری دەروونی و مەعنەویی سەر پەرلەمانتاران ئەنجام دراوە و ئەمەش پێشێلکردنی ڕێککەوتنە سیاسییەکان و بنەماکانی هاوبەشییە، بۆیە بە فەرمی دان بە دەرئەنجامەکانی ئەو کۆبوونەوەیەدا نانێن.

لە بەشێکی دیکەی پەیامەکەیدا سەرۆکی فراکسیۆنەکە جەختی لەوە کردەوە، کە دیموکراسی بە فشار و ترساندنەوە بنیاد نانرێت و ئیرادەی سیاسی بە پارە ناکڕدرێت.