قەیران و كێشەی گرانی نرخی بەنزین لە هەرێمی كوردستان بەردەوامە، ئێستا كێشەكە تەنها نەبوون یان گرانبوونی بەنزین نییە، بەڵكو خراپیی كوالێتییەكەشی باری شۆفێرانی قورستر كردووە.

عیسام ئامێدی، پەیامنێری گەلی كوردستان لە قەزای ئامێدی لە سنووری پارێزگای دهۆك، بەدواداچوونێكی بۆ ئەم بابەتە كردووە و دەڵێت، بەهۆی خراپیی كوالێتی بەنزینەكەوە، زۆر حاڵەت روویانداوە كە شۆفێر راستەوخۆ لە نۆرەی بەنزینخانەوە چوووە بۆ ناوچەی پیشەسازی بۆ گۆڕینی"فیول پەمپ"ی ئۆتۆمبێلەكەی.