ناوەندی ئەكادیمی توێژینەوەی نیشتمانیی، بە هاوبەشی لەگەڵ كۆلێژی زانستە مرۆڤایەتییەكانی زانكۆی سلێمانی، پانێڵێكی زانستیان بە ناونیشانی "كۆچكردن بۆ هەرێمی كوردستان؛ كاریگەرییە سیاسی، ئابووری‌و دیمۆگرافییەكانی" ئەنجامدا. لە پانێڵەكەدا  بۆ خستنەڕووی راستییەكان، تەنها ئاماژە بە ئامارەكان نەكرا، بەڵكو پشت بە راپرسی و زانیاری مەیدانیش بەسترا، هاوكات باس لە چۆنیەتی رووماڵكردنی میدیایی بۆ دیاردەی كۆچكردن كرا.