.
11:29 PM - 15/01/2026
وەزارەتی گواستنەوەو گەیاندنی عێراق ڕەتیدەكاتەوە گەشتە ئاسمانییەکانی نێوان عێراق و تورکیا ڕاگیرابێت.
دوای بڵاوبوونەوەی هەواڵی ڕاگرتنی گەشتەکانی هێڵی ئاسمانیی تورکیا بۆ عیراق، مەیسەم سافی، وتەبێژی وەزارەتی گواستنەوەو گەیاندنی عیراق ڕایگەیاند، "گەشتەکانی نێوان عیراق و تورکیا بەردەوامە، بەڵام هێڵی ئاسمانیی تورکیا خشتەی گەشتەکانی لەشەوەوە بۆ ڕۆژ گۆڕیوە، ئەوەش ڕێکارێکی کاتییە".
هاوكات کۆمپانیای هێڵە ئاسمانییەکانی تورکیا THY) ) راگەیەندراوێکی بڵاوکردووەتەوەو دەڵێت، "گەشتە ئاسمانییەکانی نێوان هەردوو وڵات بەپێی پلان و خشتەی نوێ بەردەوامن." وەک کۆمپانیاکە ڕونیكردۆتەوە، لەو ماوەیەی کە ئاسمانی ئێران داخرابوو، گەشتەکانیان بۆ بەغدا بەهۆی پێویستییە تەکنیکی و کارگێڕییەکانەوە لەشەوەوە بۆ ڕۆژ گۆڕابوون."
لە تۆڕە کۆمەڵایەتیەکان شەیری بکە
