.
03:37 PM - 16/12/2025
بەبۆنەی بەدەستهێنانی خەڵاتی باشترین هاندەر لەسەر ئاستی جیهان قوبادتاڵەبانی پەیامێکی پیرۆزبایی ئاراستەی زاخۆی دەلال و تەواوی کوردستان کردو ڕایگەیاند،پیرۆزە لە زاخۆی دەلال و پیرۆزە لە هەموو کوردستان بردنەوەی خەڵاتی باشترین هاندەر لەسەر ئاستی جیهاندا، شانازییەکی گەورەیە بۆ یانەی زاخۆ و وەرزشی کوردستان و بۆ هەموو خەڵکی کوردستان.
لە دڵەوە پیرۆزبایی لە یانەی زاخۆ و هاندەران و دانیشتووانی زاخۆ و هەموو کوردستان دەکەم
ئاماژەی بەوەشدا،شیرینی و خۆشی بردنەوەی ئەم خەڵاتە لەوەدایە کە بەرهەمی هاوسۆزی و پاڵپشتی هەموو خەڵکی کوردستان بوو.
قوباد تاڵەبانی لەپەیامەکەیدا دەڵێت، گەلی کورد کەوا بەو هەموو ستەم و سەرکوت و ئازارەی بەسەریدا هاتووە، هەر زیندووە و هەر بەرەوپێش دەچێت، بەرهەمی ئەو هاوسۆزی و یەکدڵییەی خەڵکە.
تەئکید لەوەشدەکاتەوە،لەم ماوەیەدا هەمووان یەک دڵ و یەک دەنگ پشتیوانیی زاخۆ بوون و ئەمڕۆش لە جەژن و خۆشیی زاخۆییەکاندا بەشدارن، هەروەکچۆن لە ماوەی هەفتەی رابردوودا لە ناخۆشیشدا هەمووان هاوسۆز و پشتیوانیی خەڵکی چەمچەماڵ و گەرمیان بوون. ئەم هەستە پیرۆزەی هاوسۆزی و هاوچارەنووسی و یەکدەنگییەی لەناو خەڵکی کورددا هەیە، هیوادارین بگوازرێتەوە بۆ ناو سیاسەتیش، چونکە ئەمە رێگە دروستەکەیە بۆ ئەوەی گەلەکەمان بەرەو دەستکەوتی گەورەتر هەنگاو بنێت.
لە تۆڕە کۆمەڵایەتیەکان شەیری بکە
