.
06:54 PM - 28/11/2025
لە دوێنێ شەوەوە، هێرش كراوەتە سەر كێڵگەی غازی كۆرمۆر، دەبینین حیزبێكی سیاسی و سایت و پەیجە بەكرێ گیراوەكانی هێرش دەكەنە سەر یەكێتیی نیشتیمانیی كوردستان، بەو بیانووەی گوایە یەكێتیی دژی پرۆژەی ڕوناكییە، دەپرسم كەس هەیە ئاگر لە ماڵی خۆی بەربدات؟ بێگومان نا.
ئەی پارتی بۆ وادەكات؟
دەیەوێ بەچی بگات؟
پارتی بەردەوام وەك مشەخۆرێك لەسەر لاشەی كردار و گوفتاری حیزبە سیاسییەكانی هەرێم و بەتایبەت یەكێتیی ژیاوە، لەم ڕووداوەشدا بە بەرنامە هەرچی سایت و پەیجە بندیوارەكانی هەیە بەریداوەتە گیانی یەكێتیی نیشتیمانیی كوردستان، تا شكستی پرۆژەی ڕوناكی بخاتە ئەستۆی یەكێتیی و خۆی وەك فریشتەو یەكێتیش وەك دژ بە پرئژەكان نیشان بدات، بەڵام دەمەوێ بە بیری پارتی و خەڵكی هەرێمی كوردستانی بخەمەوە، كە پرۆژەی ڕوناكی و بایومتری موچە خۆرانی هەرێم و مووچەی بەستم كردنی لە ڕێگەی كرینی كارتی بانقەوە پرۆژەی یەكێتیی و خودی قوباد تاڵەبانی” جێگری سەرۆكی حكومەتی هەرێمی كوردستان بووە، ئێستا دەپرسم لەكوێی عەقڵ و مەنتقدا جێگەی دەبێتەوە كە حیزبێك دژی خواست و ویستی خۆی بووەستێتەوە، بەڵام ئەوان لەسەر فەلسەفەی درۆ بكە درۆبكە تا بڕوات پێدەكەن كاردەكەن، بەداخەوە لەم چەند سەعاتەدا بە بڕیارێكی حیزبی هەموو ئەو شەمشەمە كوێرانەی لەسەر پارەی زۆر و زەوەندی بە هەدەر دراوی ئەم خەڵكە خەوتوون، بە خەبەریان هێنان بۆ درۆكردن و ناشرینكردنی یەكێتیی، كە بڕوام وایە خەڵك ڕاستییەكان دەبینن و فرمێسكی تیمساحی پارتی و درۆی سایت و پەیجە بندیوارە بەكرێ گیراوەكانیان دەبینن.
دەیەوێ بەچی بگات؟ بگات بەوەی جارێكی تر پرۆژەكانی یەكێتیی ئیستسمار بكات بۆ خۆی و بە خەڵك بڵێت ئێمە لەگەڵ ئاوەدانین و یەكێتیی دژی، بەس بێ ئاگا لەوەی تاكی كوردی زۆر لە پرۆژە شەیتانی و دژ بە خەڵكی بەش مەینەتی هەرێمی كوردستان وریاترن و تەنیا ڕووڕەشی و خەجاڵەتی و دووبەرەكی و درزی زیاتر لە نێوماڵی كوردی دەچێنن، كە بێگومان ئەو كارەشیان لەم سەروبەندی پێكهێنانی حكومەتی عێراق جۆرێكی تری جێ بە جێكردنی خواستی دۆستەكانی ئەوان و دووژمن و نەیارەكانی كوردە تا لەم كابینەیەی حكومەتی عێراق كورد بە پەرتەوازەیی بچنە دانوستان و خواستی پارتی نەیارەكانی كورد بەدی بهێنن و چوارساڵیش خەڵكی هەرێمی كوردستان باجەكەی بدات.
تا ئێستا چەند جارێك هێرش كراوەتە سەر كێڵگەی غازی كۆرمۆر، لە مەبنای لێكۆڵینەوەكاندا دەركەوتووە لە سنورەكانی نێوان هەرێم و حكومەتی ناوەند هێرشەكان ئاڕاستەكراون، ئەی دەپرسم لەدوای هەڵبژادنی پەڕلەمانی عێراق كێ زوو زوو دۆستەكانی سەردانی دەكەن و ئاخۆ دەبێ لەسەر چی ڕێكەوتبێتن! ئەوەیان بۆ خەڵك و خوێنەری بابەتەكە جێدەهێڵم.
لە كۆتایدا دەڵێم فرمێسكە تیمساحییەكانی ئێوە ناتوانێت لە ڕاستییەكان دوورمانخاتەوە، با ئەوەشتان بیر خەمەوە یەكێتیی یەكێتیی ڕابردوو نییە خاوەنی سیاسەت و ستراتیجی حیزبی و نەتەوەی و نیشتمانی خۆیەتی و ئێوەش لێگەڕێن خۆتان تاقی مەكەنەوە، چونكە بەرگەی جوڵەی یەكێتیی و سەرۆكەكەی ناگرن.
پێشڕەو مەلاوەیسی
ڕۆژنامەنوس و میدیاكار
لە تۆڕە کۆمەڵایەتیەکان شەیری بکە
