.
06:45 PM - 19/11/2025
لوقمان وەردی
لە مام جەلال فێری پشوو درێژی سیاسەت بن
لەدوێنێوە گوێ بیستی هەلومەرجی پێش هەڵبژاردن و دوای هەڵبژاردن دەبین بۆ پێكهێنانی كابینەی نوێی حكومەتی هەرێم..!؟
دڵنیام باش بیرتانە بۆ راگرتنی تەوازنی ناوخۆییتان سەرۆك مام جەلال لە ٢٠١١ دوو ساڵی كۆتای سەرۆكی حكومەتی دایەوە بە پارتی ..!؟
بۆیە لەمام جەلالەوە فێری پشوو درێژی و سینگفراوانی سیاسی و تەعامولی گەورەبن، چونكە سیاسەت تاسەر بەچیكڵدانەی بچوكەوە ناكرێت ..!؟
لەگەڵ ئەوەی چاوەروان بووین دوای هەڵبژاردن گوتاری لایەنە براوەكانی هەڵبژاردن نەرم بێت بۆ خۆشكردنی زەمینەی سەرخستنی دانوستانی گفتوگۆ لەسەر بەركەوتەی پۆستەكانی حكومەتی فیدراڵی و پێكهێنانی حكومەتی هەرێم.
كەچی بەپێی لێدوانەكانی سەرۆكی پارتی و سەركردایەتی پارتی بێت كە لەكۆڕبەندی مێپس لەدهۆك گوێ بیستی بووین بەداخەوە لای ئەوان "نیەتی رێكنەكەوتن لەنیەتی رێككەوتن بەهێزترە." بەڵكو بۆنی لێكترازانی زیاتر و دوركەوتنەوەی لێدێت كە ئومیدەوارم وانەبێت چونكە بەپێی لۆژیك دەبیت گوتاری دوای هەلبژاردن نەرم و تەژی بێت لە دەستپێشخەری.
بەدڵنیایی لای یەكێتی هەلومەرجی پێش هەڵبژاردن و دوای هەڵبژاردن یەكەو جیاوازی نیە..
لەلایەكی تر بۆ داپۆشینی شكستی پێكنەهێنانی حكومەتی هەرێم لێرەو لەوێ باس لە بەدووبارەكردنەوەی هەڵبژاردن دەكرێت یەكێتی هەموو كات سازو ئامادەیە بۆ هەڵبژاردن، چونكە یەكێتی حزبی هەڵبژاردنە..
بەڵام وەك كاك سەعدی پیرە ووتی: لەبری پەنا بردنەوەبەر فرێدانی كارتی دووبارە كردنەوەی هەڵبژاردن، بفەرموون بە دانەوەی پاشەكەوتی مووچەو پلەبەرزكردنەوەی فەرمانبەران و چاككردنی مووچەی مووچەخۆران، ئەوە لەكاتێكدا وادەبێتە مانگی ١٢ مووچەی مانگی ۹ باس و خواسی نیە..!؟
دواجار رێگا دروستەكە ئەوەیە لەبری ئەو دروشمانەی بۆ بەغدا بەرزتان كردۆتەوە لەهاوبەشی و هاوسەنگی و سازان، بفەرموون لەناوخۆی هەرێم جێ بەجێی بكەن، لەبری قۆڕخكاری لەحكومڕانی و تاكڕەیی لەبڕیارو خۆسەپێنی لەسیاسەتدا...!؟
لە تۆڕە کۆمەڵایەتیەکان شەیری بکە
