.
09:48 AM - 30/08/2025
بەهۆی تەشەنەسەندنی ئاگرەكەی پێنجوێنەوە كە سنووری چوار گوندی گرتووەتەوە، دوو گەنجی خۆبەخش بەشێكی زۆری جەستەیان سووتاوە و گەیەندراونەتە سلێمانی بۆ وەرگرتنی چارەسەری پزیشكی.
ڕۆژی 28ی ئابی 2025 بەهۆكارێكی نادیار ئاگر لە ناوچە شاخاوییەكانی هەردوو گوندی هەڵاڵاوا و مەسۆ لەسنووری قەزای پێنجوێن كەوتەوە و تیمی ئاگركوژێنەوە و رێكخراوی ملەكەوە توانیان كۆنترۆڵی بكەن، بەڵام بەهۆی رەشەباوە جارێكی تر ئاگرەكە سەریهەڵدایەوە و ئێستاش سنووری گوندەكانی هەڵاڵاوا، مەسۆ، كێلو و نزارەی گرتووەتەوە، بەوتەی تیمەكانی ئاگركوژێنەوە، سەختی ناوچەكەو بوونی مینی سەردەمی شەڕی ئێران -عیراق رێگرە لە تیمەكانیان تاكو ئاگرەكە بكوژێننەوە.
بەپێی ئەو زانیاریانەی دەست گەلی كوردستان كەوتووە، ئەو دوو گەنجەی برینداربوون یەكێكیان سەدا 74ی جەستەی سوتاوە، ئەویتریان سەدا 54ی جەستەی سووتاوە و هەردووكیان لەبەر زۆری سووتاوییەكەیان رەوانەی نەخۆشخانەكانی سلێمانی كراون.
لە تۆڕە کۆمەڵایەتیەکان شەیری بکە
