ئەمڕۆ یەك شەممە دەست بە دابەشكردنی  مووچەی مانگی نۆی  مامۆستایانی گرێبەست و بەشێك لە فەرمانبەرانی هەمیشەیی و گرێبەست  دەكرێت و تا رۆژی پێنج شەممە بەردەوام دەبێت. 

وەزارەتی دارایی و ئابووری  حكومەتی هەرێمی كوردستان  لە راگەیەندراوێكدا بڵاویكردەوە، ئەمڕۆ یەك شەممە  18 ی تشرینی یەكەمی 2026،دەست بە دابەشكردنی مووچەی مانگی ئەیلوولی مامۆستایانی گرێبەستی وەزارەتی پەروەردە و خوێندنی باڵاو توێژینەوەی زانستی دەكرێت و تا ڕۆژی پێنج شەممە 22  ی تشرینی یەكەم  سەرجەمیان مووچەكانیان وەردەگرن .

هاوكات لەهەمان كاتدا دەست بە دابەشكردنی مووچەی مانگی ئەیلوولی سەرجەم ئەو فەرمانبەرانە دەكرێت كە لەدوای  یەكی حەوتی 2024 ەوە  بە شێوەی گرێبەست و هەمیشەیی لەسەر میلاكی دامەزراوەكانی حكومەتی هەرێم دامەزراون و شایستەكانیان لەسەر داهاتی ناوخۆی هەرێمی كوردستان خەرج دەكرێت.