نرخی نان لە شاری دهۆك بەشێوەیەكی بەرچاو بەرزبووەوە، بەجۆرێك لە بەشێكی نانەواخانەكان نرخی یەك نان گەیشتە 500 دینار.

خاوەنی بەشێك لە نانەواخانەكان كە قسەیان بۆ گەلی كوردستان كردووە، دەڵێن، غازیان بەنرخی پاڵپشتیكراو دەست ناكەوێت، نرخی غازی بازرگانیش زۆر بەرزبۆتەوە، بۆیە بەناچاری نرخی یەك نانیان كردووە بە 500 دینار. وەك خۆشیان دەڵێن، یان دەبوایە نرخی نان گران بكەن، یاخود نانەواخانەكانیان دابخەن، چونكە هیچ بژاردەیەكی تریان نییە.