.
08:51 PM - 07/12/2025
دوای ئەوەی دووجار وادەكەی درێژكرایەوە، سبەینێ دووشەممە وادەی مامەڵەی حاجیان تەواو دەبێت.
كاروان ستونی وتەبێژی حەج و عومرەی هەرێمی كوردستان رایگەیاند، بە پێی ئەو ماوەی دانرابوو سبەی دووشەممە دوایین رۆژی وەرگرتنی مامەڵەی حاجییان دەبێت و هەر كەسێك دوا بكەوێت ئەوا خۆی بەرپرسیار دەبێت و یەدەگ واتە جێگرەوە لە شوێنیان دادەنرێت.
راشیگەیاند، لە رێگەی نووسینگەكانی حەج و عومرە لە پارێزگا و ئیدارە سەربەخۆكانەوە پەیوەندییان بە هەموو ئەو كەسانە كردووە كە ناویان بۆ حەجی 2026 گەڕاوەتەوە تاوەكوو مامەڵەكانیان تەواو بكەن.
وتەبێژی حەج و عومرەی هەرێم ئاماژەی بەوەكرد، بەپێی فەرمانی وەزاری هەر كەسێك تاوەكوو سبەی سەردان نەكات یەدەگەكان واتە جێگرەوەوە بە پێی رێزبەندی و پۆلینەكان لە جێگەیان دادەنرێت.
لە تۆڕە کۆمەڵایەتیەکان شەیری بکە
