.
07:30 PM - 13/11/2025
نوسینگەی رۆژنامەوانیی سەرۆكی یەكێتیی نیشتمانیی كوردستان لە راگەیەندراوێكدا ئاماژەی بەوەداوە، محەمەد شیاع سودانی، سەرۆك وەزیرانی عیراق و سەرۆكی هاوپەیمانیی ئاوەدانكردنەوە و گەشەپێدان پەیوەندی بە بافڵ جەلال تاڵەبانی، سەرۆكی یەكێتیی نیشتمانیی كوردستانەوە كرد.
محەمەد شیاع سودانی پیرۆزبایی لە بافڵ جەلال تاڵەبانی كرد بەبۆنەی سەركەوتنی یەكێتیی نیشتمانیی كوردستان لە هەڵبژاردنی ئەنجومەنی نوێنەرانی عیراق و دڵخۆشی خۆی بە سەركەوتنەكانی یەكێتی بە سەركردایەتیی بافڵ جەلال تاڵەبانی دەربڕی.
ئەوەشی خستەڕوو، لای خۆیەوە، سەرۆك بافڵ جەلال تاڵەبانی پیرۆزبایی سەركەوتنی هاوپەیمانیی ئاوەدانكردنەوە و گەشەپێدانی لە محەمەد شیاع سودانی كرد.
لە تۆڕە کۆمەڵایەتیەکان شەیری بکە
