.
06:31 PM - 30/08/2025
له‌باره‌گای مه‌كته‌بی سیاسی ی.ن.ك له‌سلێمانی د.یوسف گۆران لێپرسراوی مه‌ڵبه‌ندی دیراساتی گشتی ی.ن.ك پێشوازی كرد له مایكل هاوه‌ر - OPC له دامه‌زراوه‌ی ئۆڵف پاڵمه و هه‌ریه‌ك له هێلان سندی، شۆڕ‌ش قادر ڕ‌ه‌حم.
له كۆبونه‌وه‌كه‌دا باس له‌په‌ره‌پێدانی په‌یوه‌ندییه‌كانی نێوان مه‌ڵبه‌ندی دیراساتی گشتی ی.ن.ك و ئه‌كادیمیای په‌روه‌رده‌و پێگه‌یاندنی كادیرانی یه‌كێتی كرا له‌گه‌ڵ ئۆڵف پاڵمه، بۆ ئه‌مه‌ش بڕ‌یاردرا ئاستی هه‌ماهه‌نگی نێوان هه‌ردوولا فراوانتر بكرێت.
هه‌ر له‌كۆبونه‌وه‌كه‌دا وه‌فده‌كه سه‌رسامی خۆیان نیشاندا به‌كاره‌كانی ئه‌كادیمیای په‌روه‌رده و پێگه‌یاندنی كادیرانی یه‌كێتی و دوپاتیانكرده‌وه، له ڕ‌ێگه‌ی ئه‌م ئه‌كادیمیایه یه‌كێتیی نیشتمانیی كوردستان ده‌یه‌وێت كادیر پێبگه‌یه‌نێت و ئاماده‌یان بكات بۆ كایه سیاسی و ئیداری و كۆمه‌ڵایه‌تییه‌كان له‌عیراق و هه‌رێمی كوردستان.
له كۆتایی كۆبونه‌وه‌كه‌دا داڕ‌شتنی به‌رنامه‌ی هاوبه‌ش و ستراتیژی له نێوان هه‌ردولادا كرا بڕ‌یاری لێوه‌درا.
Olof Palme دامه‌زراوێكی نێوده‌وڵه‌تییه له‌وڵاتی سوید، ئه‌ركی سه‌ره‌كی بریتیه له‌پشتگیری دیموكراسی و مافی مرۆڤ له‌جیهان، هه‌روه‌ها یارمه‌تیدانی پارته سیاسیه‌كان و كاركردن بۆ ئاشتی و دیموكراسی، په‌ره‌پێدانی یه‌كسانی.
لە تۆڕە کۆمەڵایەتیەکان شەیری بکە
