.
10:00 AM - 30/08/2025
ئەمڕۆ كۆنفرانسی هاوپەیمانیی سۆسیال دیموكراتی وڵاتانی عەرەبی لە سلێمانی كۆتایی دێت و پلان و بەرنامەی سێ ساڵی داهاتووی هاوپەیمانێتییەكە رادەگەیەنرێت.
كۆنفرانسەكە لە چوارەم‌و كۆتا رۆژییدا چەند پانێڵێكی تایبەتی تێدا بەڕێوەدەچن. لە سەرەتادا راپۆرتی دەستەی هەماهەنگیی كۆمەڵایەتیی هاوپەیمانی سۆسیال دیموكراتی وڵاتانی عەرەبی، رێكخەری جیهانیی هاوپەیمانی پێشكەوتنخوازانە پێشكەشدەكرێت. هەروەها سێ وۆركشۆپی تایبەت رێكدەخرێن و لە كۆتاییدا ئەنجامی وۆركشۆپەكان كە تایبەتن بە پلان و ستراتیجی سێ ساڵی داهاتووی هاوپەیمانیی سۆسیال دیموكراتی وڵاتانی عەرەبی لە سلێمانی رادەگەیەنرێت.
بافڵ جەلال تاڵەبانی، سەرۆكی یەكێتیی نیشتیمانیی كوردستان وتاری كۆتایی كۆنفرانسەكە و فەرید زەهران، وەك سەرۆكی هاوپەیمانی سۆسیال دیموكراتیی وڵاتانی عەرەبی وتاری كۆتایی پێشكەش دەكەن. لە پەراوێزی كۆنفرانسی هاوپەیمانیی سۆشیال دیموكراتی جیهانی عەرەبی لە سلێمانی، كۆبوونەوەی هەماهەنگی نێودەوڵەتیی هاوپەیمانی پێشكەوتنخوازان و هەندێك لایەنی نێودەوڵەتی بەڕێوەدەچێت.
لە تۆڕە کۆمەڵایەتیەکان شەیری بکە
