ئیمانوێڵ ماكرۆن، سەرۆكی فەڕەنسا دوای ئەوەی پەیوەندییەكی لەگەڵ عەلی زەیدی ، سەرۆك وەزیرانی راسپێردراوی  عیراقدا ئەنجامدا رایگەیاند، لەپەیوەندییە تەلەفۆنییەكەدا هیوای سەركەوتنی بۆ سەرۆك وەزیرانی راسپێردراوی حكومەتی نوێێ عیراق خواست و داوای لێكرد،هەوڵەكانی بخاتە گەڕ بۆ تەواوكردنی لێكۆڵینەوەكان لەو هێرشەی كە بووە هۆی كوژرانی سەربازێكی فەرەنسی و برینداربوونی ژمارەیەك لە هاوڕێكانی لە 12ی ئادار لە مەخمور.

وتیشی،تەئكیدمان لەوەكردەوە، سەقامگیری و سەروەری عیراق و بڕیاری لە چارەنوسی خۆی بۆ ئاسایشی ڕۆژهەڵاتی ناوەڕاست و ئەوروپا زۆر پێویستە.

ئاماژەی بەوەشدا،  فەرەنسا بەردەوام دەبێت لە وەستانەوە لەگەڵ گەلی عیراق بۆ بەشداریكردن لەم كارەدا  بۆ زیاتر قووڵكردنەوەی هاوبەشی ستراتیژی نێوان هەردوولا لە هەموو بوارەكاندا.