هەرچەندە ئێستا هەرێمی كوردستان لە وەرزی قەدەغەی راوە ماسیدایە و راوكردن بە هەموو شێوەیەك رێگە پێدراو نییە، بەڵام باران بارینی و زۆر بەرزبوونەوەی بەرچاوی ئاستی ئاو لە سنووری بەنداوی دەربەندیخان و بەدیاریكراوی لە كەناری رووباری سیروان وایكرد چەند جۆرێكی جیاوازی ماسی بە بێ تۆڕ و قولاپ و راوكردن، بكەونە كەنار یان قەراغی رووبارەكە، ئەمەش بۆ خەڵكی ناوچەكە بە رسقێكی ئاسان و دیارییەك لە لەلایەن پەروەردگارەوە لێكدەدرێتەوە.