كەشناسی هەرێم دەڵێت ، بارانبارین بەردەوام دەبێت بەڵام پلەكانی گەرما كەمێك بەرز دەبنەوە. 

كەشناسی هەرێم لە ڕاگەیەندراوێكدا پێشبینییەكانی كەشی بۆ ئەمڕۆ و سبەینێ‌ بڵاوكردەوە و بەپێی پێشبینییەكان بۆ ئەمڕۆ، باران بارین بەردەوام دەبێت و پلەكانی گەرماش، بەراورد بە دوێنێ  كەمێك بەرز دەبنەوە.

لە بارەی كەشی سبەینێ یەكشەمەشەوە،  كەشناسی هەرێم دەڵێت؛ هاوشێوەی ئەمڕۆ ئاسمان هەوری تەواو دەبێت لەگەڵ بارینی نمە بارانی پچڕ پچر بەردەوام دەبێت و پلەكانی گەرماش دوو بۆ سێ پلە بەراورد بە تۆماركراوەكانی ئەمڕۆ بەرزدەبنەوە.

بە پێی پێشبینییەكانیش بەرزترین پلەكانی گەرمای پێشبینیكراو بە پلەی سیلیزی بەم شیوەیە دەبێت؛

هەولێر: 15 پلەی سیلیزی

پیرمام: 11 پلەی سیلیزی

سۆران: 12 پلەی سیلیزی

حاجی ئۆمەران: 4 پلەی سیلیزی

سلێمانی: 13 پلەی سیلیزی

چەمچەماڵ: 14 پلەی سیلیزی

دهۆك: 14 پلەی سیلیزی

زاخۆ: 14 پلەی سیلیزی

هەڵەبجە: 15 پلەی سیلیزی

گەرمیان: 18 پلەی سیلیزی