.
03:11 PM - 09/09/2025
كۆمسیۆنی باڵای سەربەخۆی هەڵبژاردنەكانی عیراق بەردەوامە لە وردبینیكردنی ناوی كاندیدەكان و رایگەیاند، تائێستا 786 كاندید بە هۆكاری جیاجیا لە هەڵبژاردنی داهاتووی ئەنجومەنی نوێنەران دوورخراونەتەوە و هۆكاری دوورخستنەوەی زۆرینەیان تاوان و گەندەڵی و لێپرسینەوەی دادپەروەری بووە، كە ژمارەیان 370 كاندیدە.
لەبارەی ژمارەی ئەو كاندیدانەی كە بۆ كێبڕكێی هەڵبژاردنەكەدا ماون، كۆمسیۆن ئاشكرای كرد، ئێستا حەوت هەزار و 709 كاندید ماونەتەوە و 46 تانەی كاندیدەكانیش لەبەردەست كۆمسیۆندان و كاریان لەسەر دەكرێت.
بڕیارە رۆژی 11ی11ی ئەمساڵ، هەڵبژاردنی ئەنجومەنی نوێنەرانی عیراق بەڕێوەبچێت و بەپێی رێنماییەكانی كۆمیسیۆن، دەبێت 30 رۆژ پێش لە هەڵبژاردن ناوی كاندیدەكان پەسەند كرابێت.
لە تۆڕە کۆمەڵایەتیەکان شەیری بکە
