.
08:38 PM - 28/08/2025
پەرلەمانتارێكی ی.ن.ك بەدواداچوون بۆ دامەزراندنی سێ یەكەمەكانی ناوچە دابڕێندراوەكان دەكات
ئەندامێكی فراكسیۆنی یەكێتیی نیشتمانیی كوردستان بە دواداچوون بۆ كێشەی دامەزراندنی سێ یەكەمەكانی ناوچە دابڕێنراوەكان دەكات.
بەدریە حسێن ئەندامی فراكسیۆنی یەكێتیی نیشتمانیی كوردستان لە لیژنەی خوێندنی باڵای ئەنجومەنی نوێنەرانی عیراق رایگەیاند، بەدواداچوون بۆ پرسی دامەزراندنی سێ یەكەمەكانی دەرچووانی ساڵانی خوێندنی 2022-2023 و 2023-2024 لە ناوچە دابڕێندراوەكان دەكات، كە تا ئێستا كۆدی دامەزراندنیان نییە. روونیشیكردەوە، بەپێی زانیارییەكان، هەشت هەزار 579 پلەی وەزیفی بەتاڵ بۆ دامەزراندنی سێ یەكەمەكان و هەڵگرانی بڕوانامەی باڵای قۆناغی سێیەم ماون و پێشتر، د. مەحمود تەمیمی سەرۆكی پێشووی ئەنجومەنی راژەی فیدڕاڵی، لە 9ـی كانونی دووەمی 2025 لە كاتی سەردانێكی رەسمیدا بۆ هەولێر، رایگەیاندبوو كە 700 پلەی وەزیفی بۆ ناوچە دابڕاوەكان تەرخانكراون.
ئەو ئەندامەی فراكسیۆنی یەكێتیی نیشتمانیی كوردستان ئەوەشی خستەڕوو، لەم چوارچێوەیەدا، نووسراوێكی رەسمی ئاڕاستەی ئەنجومەنی راژەی فیدڕاڵی كردووە و ئامانجی نووسراوەكە زیادكردنی ناوی ئەو زانكۆیانەیە كە بەم دواییە دانیان پێدانراوە
لە تۆڕە کۆمەڵایەتیەکان شەیری بکە
