.

11:28 PM - 26/08/2025

ئەنجومەنی نوێنەران ژمارەیەك برگەی گرنگی بۆ هەرێم پەسەندكرد 

لە كۆبوونەوەی ئەمڕۆی ئەنجومەنی نوێنەرانی عیراقدا، دوای هەوڵێكی زۆری فراكسیۆنە كوردییەكان و بەتایبەت فراكسیۆنی ی.ن.ك، بە كۆی دەنگ ژمارەیەك بڕگەی گرنگ پەسەندكرا و لە نێویشیاندا، ئیمتیازاتی زیندانیانی سیاسی هەرێم لەگەڵ زیندانیانی سیاسی عیراق هاوتا كرا.

لەوبارەیەوە، چرۆ حەمە شەریف ئەندامی فراكسیۆنی یەكێتی لە ئەنجومەنی نوێنەران بە گەلی كوردستانی وت، دەنگدراوە لەسەر هەمواری دووەمی یاسای دامەزرەوەی زیندانە سیاسییەكان، كە چەندین دەستكەوتی تێدایە بۆ زیندانیانی سیاسی و دوای هەوڵی هەموو لایەنەكان، توانراوە ئەم یاسایە زیندانیانی سیاسی هەرێمی كوردستانیش بگرێتەوە، هەروەها بڕیاردراوە بە قەرەبووكردنەوەی هەڵەبجە لە بەرامبەر كارەساتەكانی ساڵانی 1987 و 1988 و 1991. هاوكات غەریب ئەحمەد ئەندامی فراكسیۆنی یەكێتی لە ئەنجومەنی نوێنەران ئاماژەی بەوەش كرد، وەك فراكسیۆنی یەكێتی چەندین ساڵە هەوڵی ئەو گۆڕانكارییانە دەدەن و لە ماوەكانی پێسوودا توانیویانە چەندین گۆڕانكاری گەورە بكەن و لە داهاتووشدا بەردەوام دەبن لە هەوڵەكانیان بۆ خزمەتی هاووڵاتیانی هەرێم. هاوكات لە دانیشتنەكەدا دەنگدراوە لەسەر 93 پاڵێوراو وەك باڵیۆزی نوێی عێراق لە وڵاتانی دەرەوە، كە ژمارەیەك لەو پاڵێوراوانە كوردن