.
02:29 PM - 25/08/2025
ڤیاڕیاڵ لە یاریگای لا سیرامیكا گیرۆنای گۆڵبارانكرد
لەلایەكی ترەوە و هەر لە یارییەكانی هەفتەی دووەمی لالیگا ، یانەی ڤیاڕیاڵ لە یاریگای لاسیرامیكا رووبەڕووی یانەی گیرۆنا بۆوە ، لە دەقیقەی ٧ دا نیكۆلاس پیپی بەربەستی یەكسان بوونی شكاند و گۆڵی پێشكەوتنی یانەی خاوەن یاریگای تۆمار كرد ، دواتر یاریزانانی ڤیاڕیاڵ لەسەر هێرشەكانیان بەردەوام بوون و لە دەقیقەی ١٦ شدا تاجۆن بوشانان گۆڵی دووەمی بەخشیە یانەكەی ، هەروەها لە دەقیقەی ٢٥ یشدا رافا مارینۆ گۆڵی سێیەمی ڤیاڕیاڵی تۆمار كرد و هێندەی تر ئەركی یانە كەتەلۆنییەكە لە یارییەكەدا قوورس بوو ، لە دەقیقەی ٢٨ یشدا جارێكی تر تاجۆن بوشانان تۆڕی گۆڵی گیرۆنای هەژاند و گۆڵی دووەمی خۆی تۆمار كرد ، سەرەنجام گێمی یەكەمی یارییەكەش بە چوار گۆڵی بێ وەڵام لە بەرژەوەندی یانەی ڤیاڕیاڵ مایەوە ، لە سەرەتای گێمی دووەمدا یاریزانانی خاوەن یاریگا بە ئاستێكی بەرزترەوە دەبیندران و لە دەقیقەی ٦٤ یشدا تاجۆن بوشانانی كەنەدی هاتربكی خۆی تۆمار كرد ، لە كۆتاییشدا یانەی ڤیاڕیاڵ بە ئەنجامێكی گەورە و بە پێنج گۆڵی بێ وەڵام یانەی گیرۆنای دووچاری شكستكرد
لە تۆڕە کۆمەڵایەتیەکان شەیری بکە
