کەناڵی ئاسمانی گەلی کوردستان

  Live

هەواڵەکان

مانچستەریونایتد لەسەر ئەنجامە لاوازەكانی بەردەوامە

.

02:26 PM - 25/08/2025

مانچستەریونایتد لەسەر ئەنجامە لاوازەكانی بەردەوامە

هەر لە بەردەوامی یارییەكانی هەفتەی دووەمی پریمەرلیگ و لە رووبەڕوو بوونەوەیەكی گرنگی ئەو هەفتەیەدا ، یانەی مانچستەریونایتد لە یاریگای كراڤین كۆتاجی شاری لەندەن بووە میوانی یانەی فولهام ، هەر لە سەرەتای یارییەكەوە یاریزانانی مان یونایتد بە ئاستێكی بەرزەوە دەركەوتن و فشارێكی زۆریان خستە سەر گۆڵی یانەی خاوەن یاریگا ، تا لە دەقیقەی ٣٨ دا ناوبژیوان لێدانێكی سزای بۆ هەژمار كردن ، بەڵام برۆنۆ فێرناندیزی پورتوگالی نەیتوانی گۆڵی پێشكەوتنی مانچستەریونایتدی پێ تۆمار بكات و گێمی یەكەمی یارییەكەش چۆن دەستی پێ كرد هەرواش كۆتایی پێهات ، لە دەستپێكی گێمی دووەمدا یاریزانانی مان یونایتد لەسەر هێرشەكانیان بەردەوام و هەر بەو هۆیەشەوە لە دەقیقەی ٥٨ دا رۆدریگۆ مونێزی بەڕازیلی بە هەڵە گۆڵێكی لە یانەكەی تۆمار كرد و مانچستەری كردە خاوەن گۆڵی پێشكەوتن ، خۆشی ئەو گۆڵەی یانەی میوان زۆری نەخایاند و لە دەقیقەی ٧٣ دا ئیمێل سمیس رۆی ئەنجامەكەی بۆ یانەی فولهام هاوسەنگ كردەوە ، هەرچەندە لە پێش تەواو بوونی كاتی یاسایی یارییەكە رۆبین ئەمۆریمی ڕاهێنەری مان یونایتد دوو گۆڕانكاری ئەنجامدا ئەویش لە پێناو ئەوەی بتوانن گۆڵی دووەم و بردنەوەی خۆیان تۆمار بكەن ، بەڵام سەركەوتوو نەبوون و لە كۆتاییشدا مانچستەریونایتد بە گۆڵێك لەگەڵ فولهام یەكسان بوو ، بەوەش مان یونایتد بۆ دووەم یاری لەسەر یەك لە خولەكە نەیتوانی بردنەوە تۆمار بكات 

لە تۆڕە کۆمەڵایەتیەکان شەیری بکە

هەواڵەکان

GK Sat Frequencies

NileSat:V:11564 - 27500

سەرەوە