.
02:24 PM - 25/08/2025
لە درێژەی یارییەكانی هەفتەی دووەمی پریمەرلیگ ، یانەی ئیڤەرتۆن لە یاریگا و بەردەم هاندەرانی رووبەڕووی یانەی برایتۆن بۆوە ، هەر لە سەرەتای یارییەكەوە یاریزانانی هەردوو یانە فشارێكی زۆریان خستە سەر گۆڵی یەكتر ، تا لە دەقیقەی ٢٣ دا ئیلیمان ندییای سێنیگالی بەربەستی یەكسان بوونی شكاند گێمی یەكەمی یارییەكەش هەر بەو تاكە گۆڵە لە بەرژەوەندی ئیڤەرتۆن مایەوە، لە دەستپێكی گێمی دووەمدا یاریزانانی یانەی خاوەن یاریگا لەسەر ئاستە بەرزەكەیان بەردەوام بوون و لە دەقیقەی ٥٢ شدا جەیمس گارنەر سوودی لە ئەسیستێكی جاك گریلیش وەرگرت و گۆڵی دووەمی یانەكەی تۆمار كرد ، هەرچەندە لە دەقیقەی ٧٧ دا ناوبژیوان لێدانێكی سزای بۆ یانەی برایتۆن هەژمار كرد بەڵام دانی ویڵبیك نەیانتوانی گۆڵی یەكەمی یانەكەی پێ تۆمار بكات و جیاوازی گۆڵەكان كەم بكاتەوە ، سەرەنجام یانەی ئیڤەرتۆن بە دوو گۆڵی بێ وەڵام یانەی برایتۆنی دووچاری شكستكرد
لە تۆڕە کۆمەڵایەتیەکان شەیری بکە
