کەناڵی ئاسمانی گەلی کوردستان

  Live

هەواڵەکان

ئەپیكور دەیەوێت گەرەنتی لە بەغدا وەربگرێت بۆ هەناردەكردنەوەی نەوت

.

09:29 AM - 24/08/2025

ئەپیكور دەیەوێت گەرەنتی لە بەغدا وەربگرێت بۆ هەناردەكردنەوەی نەوت

كۆمەڵەی پیشەسازیی نەوتی كوردستان ناسراو بە ئەپیكور،تەئكید لەسەر داواكارییەكانی پێشووتری دەكاتەوە و دەڵێت، تا بەغدا نووسراوی رەسمی و گەرەنتیكراویان ئاڕاستە نەكات، ئامادەنین دەست بەدووبارە هەناردەی نەوتی هەرێمی كوردستان بكەنەوە. بەپێی دوایین بەدواداچوونەكانی گەلی كوردستان ، بەغدا نایەوێت راستەوخۆ مامەڵە لەگەڵ كۆمپانیا نەوتییەكان بكات و هیچ گرەنتییەك بدات، بەهۆی ئەوەی حكومەتی هەرێمی كوردستان پێشتر گرێبەستی لەگەڵ كۆمپانیاكان كردووە و ئەو پرسەی رووبەڕووی وەزارەتی سامانەسروشتییەكان و ئەپیكور كردووەتەوە.هەر بەپێی بەدواداچوونەكان، هیچ گرفتێك لەنێوان وەزارەتی نەوتی فیدراڵ و وەزارەتی سامانە سرووشتییەكان نەماوە و هەژمارێكی بانكی لە ئەبوزەبی كراوەتەوە، 16 دۆلاری خەرجیی دەرهێنان و هەناردەكردنی هەر بەرمیلێكی نەوتی  كوردستان كە ماف و شایستەی كۆمپانیاكانە، دەخرێتەسەر ئەو هەژمارە.هەر بەپێی ئەو زانیاریانەی دەست گەلی كوردستان بەرەوپێشچوونی باش لەگەڵ كۆمپانیا نەوتییە ئەمریكییەكان بۆ هەناردەكردنەوەی نەوت هەیە، بەڵام كۆمپانیا روسییەكان تا ئێستا رەزامەندییان لەسەر رێككەوتنی هەولێر و بەغدا بۆ هەناردەكردنەوەی نەوت دەرنەبڕیوە و حكومەتی فیدراڵیش بە وەزارەتی سامانە سرووشتییەكانی راگەیاندووە، هەرێمی كوردستان پێویستە خۆی ئەو كۆمپانیایانە قایلبكات، چونكە هەرێم گرێبەستی لەگەڵ ئەوان ئەنجامداوە

 

لە تۆڕە کۆمەڵایەتیەکان شەیری بکە

هەواڵەکان

GK Sat Frequencies

NileSat:V:11564 - 27500

سەرەوە