.
09:24 AM - 24/08/2025
تائێستا زیاتر لە 25 هەزار هاوڵاتی ناویان بۆ حەج تۆماركردووە
ناونووسینی هاووڵاتیان بۆ حەج بەشێوازی دیجیتاڵی بەردەوامە و تائێستاش زیاتر لە 25 هەزار كەس ناویان تۆماركردووە. لەوبارەیەوە كاروان ستوونی بەڕێوەبەری راگەیاندنی حەج و عومرەی هەرێمی كوردستان راگەیاند: پڕۆسەی تۆماركردنی ناوی هاووڵاتیان بۆ حەج بەراورد بە ساڵانی رابردوو زۆر خێراتر بەڕێوەدەچێت، ئەمەش لەبەرئەوەی ئێستا بێ بەرامبەرە و رێكارەكانیشی ئاسانترن.باسی لەوەشكرد،تا ئێستا 25 هەزار و 186 كەس ناویان تۆمار كردووە و ئەگەر بەم شێوەیە بەردەوام بێت، پێشبینی دەكەن ئەم ساڵ نزیكەی 100 هەزار كەس ناویان تۆمار بكەن.
پێشتر ناونووسین لەڕێگەی فۆرمێكەوە بوو و بڕێك پارە وەردەگیرا، بەڵام ئێستا لە رێگەی ئەلیكترۆنییە و بێ بەرامبەرە و لینكەكە تا 20ی ئەیلوولی 2025 بەردەوام دەبێت و لە یەكی تشرینی یەكەمی 2025 تیروپشكی بۆ دەكرێت
لە تۆڕە کۆمەڵایەتیەکان شەیری بکە
