.

12:45 PM - 16/08/2025

نە ڕێککەوتن، نە وردەکاری، نە ئاگربەست :

کۆبوونەوەی نێوان دۆناڵد ترەمپ، سەرۆکی ئەمریکا و ڤلادیمێر پوتین، سەرۆکی کرێملین کۆتایی هات.

ترامپ و پوتین ستایشی کۆبوونەوەکەیان بە "بنیاتنەر" کرد، بەڵام هیچ ئەنجامێکیان نەخستەڕوو.

ئەوان بەبێ پابەندبوون باسیان لە کۆبوونەوەی دووەم کرد.

 

گفتوگۆی نێوان ترەمپ و پوتین لە شاری ئەنکۆرەیجی ویلایەتی ئەلاسکا دوو کاتژمێر و نیوێکی باشی خایاند. دواتر سەرۆکی ئەمریکا و سەرۆکی کرێملین لەبەردەم میدیاکان دەرکەوتن، بەڵام هیچ وردەکارییەکی کۆنکرێتی نەخراوەتەڕوو؛ هەردووکیان زۆر بە ناڕوونی مانەوە.

ترامپ ڕایگەیاند کە ئێستا پەیوەندی تەلەفۆنی لەگەڵ هاوبەشەکانی ناتۆ و ڤۆلۆدیمیر زێلێنسکی سەرۆکی ئۆکرانیا دەکات. "لە کۆتاییدا بڕیارەکە هی ئەوانە".

سەرۆکی ئەمریکا سوپاسی پوتینی کرد و وتی "بەم زووانە قسە دەکەنەوە" و تەنانەت پێدەچێت "بەم زووانە یەکتر ببیننەوە"، لەوانەیە: "جاری داهاتوو لە مۆسکۆ".

 

پوتین و ترەمپ بەبێ وەڵامدانەوەی پرسیاری ڕۆژنامەنووسان، لەبەردەم ڕۆژنامەکانی جیهاندا دەرکەوتن. دوای ئەوەی هەردووکیان لێدوانەکانیان دا، دەستی نوێنەری میدیاکان کە دەیانویست پرسیار بکەن، بەرز بووەوە. بەڵام تەنها سوپاسگوزاری خۆیان دەربڕی بۆ سەرنجدانیان – و هەردووکیان ژوورەکەیان بەجێهێشت.

 

پوتین یەکەم قسەی کرد. ئەو ستایشی ئەو گفتوگۆیەی کردووە و بە "بنیاتنەر" ناوی بردووە. پوتین سەبارەت بە ئۆکرانیا وتی: لەگەڵ ترەمپ هاوڕا بوو کە دەبێت ئاسایشی وڵاتەکە گەرەنتی بکرێت. ئەو حەزی لە کۆتایی هێنان بە ململانێیە، بەڵام دەبێت هۆکارەکانی چارەسەر بکرێن. سەرۆکی کرێملین بە تەواوی نەیگوت مەبەستی لەوە چییە.

 

پوتین باسی لەو ڕێککەوتنانە کرد کە دەکرێت خاڵی دەستپێکی چارەسەری شەڕی ئۆکرانیا بن. هیچ وردەکارییەکی نەخستەڕوو. بەڵام ململانێکان یەکێک بوو لە تەوەرە سەرەکییەکانی لوتکەکە.

ترەمپ دوای ئەوە قسەی کرد. هەروەها باسی لە گفتوگۆیەکی بنیاتنەر کرد. پوتین و ئەو لەسەر زۆر خاڵ کۆک بوون، بەڵام هێشتا لەسەر چەند خاڵێک نەبوون. یەکێکیان بە تایبەتی گرنگ بوو. ترەمپ نەیگوت مەبەستی لەوە چییە.

 

بەڵام: چانسی گەیشتن بە ڕێککەوتن لەوێش، باش بوو. هێشتا نەگەیشتوینەتە ئەوێ، بەڵام چانسی زۆر باشمان هەیە بۆ گەیشتن بەو شوێنە.