لەساڵیادی  بونیادنانی  شاری سلێمانیدا  پیرۆزباییەكی  گەرم  لەگشت خەڵك و جەماوەری ئەم  شارە  خۆشەویستەی  كوردستان دەكەین كە لەسەرەتاكانی  دروست بونیەوە  تاوەكو ئەمڕۆ پێشەنگ و ڕچە شكێن بوە.
 
شاری سلێمانی  هەر لەسەرەتای  بونیادنانیەوە لە گشت كایەكانی ژیاندا داینەمۆی  گۆڕانكاری و نوێكردنەوە  و مەڵبەندی  كوردایەتی و نیشتمانپەروەری  و ئازادیخوازی  بوە ، هەر ئەم  شارە لەسەرەتاوە زادەی  هەڵكەوتنی  چەندین  ڕوناكبیر و تێكۆشەر  بوە كە لە مێژووی  گەلەكەماندا  پێگەیەكی گرنگ و بەرچاویان لە گشت كوردستان و ناوچەکەدا هەبوە .

ئەمڕۆ و لەم یادە مەزنەدا  بەگوڕ و تینێكی زیاترەوە  ئەرك و بەرپرسیارێتیەكانمان  بۆ خزمەتكردنی شاری هەڵمەت و قوربانی و پایتەختی  میری بابان ، پایتەختی یەكەم حكومەتی  میللی  و پایتەختی  رۆشنبیریی  ، شاری  سلێمانی  دووپاتدەكەینەوە 

مەكتەبی سیاسی
یەكێتیی نیشتمانیی كوردستان