بەڕێوەبەرایەتی گشتیی كاروباری مین لە سلێمانی، ئاماری كار و چالاكییەكانی رابردووی ئەمساڵی خۆی لە رێگەی كەناڵی ئاسمانی گەلی كوردستانەوە بۆ رای گشتی خستەڕوو. لێپرسراوانی بەڕێوەبەرایەتییەكە تیشكیان خستە سەر هەوڵە بەردەوامەكانی تیمەكانیان لە پاككردنەوەی خاك لە پاشماوەی جەنگی. هاوكات بە روونی باسیان لەو گرفت و كۆسپانە كرد كە لە كاتی كاركردندا رووبەڕوویان دەبێتەوە. بەپێی وتەی ئەوان، چەند ئاستەنگێك بوونەتە رێگر لەبەردەم خێراتر و باشتر بەڕێوەچوونی پرۆسەی پاككردنەوەی كێڵگەكانی مین و تەقەمەنی لە سنوورەكەدا.