لە میانی كۆبونەوەی لەگەڵ بۆردی ڕێكخستن، هەڤاڵ ڕفعەت عەبدوڵا جێگری سەرۆكی یەكێتیی نیشتمانیی كوردستان ڕایگەیاند لە دۆخێكی فرە ڕەهەند و پڕ گۆڕانكاریدا، حزبی سیاسی‌ و ڕێكخستنەكانی پێویستە بەردەوام لە گۆڕانكاری‌ و نوێبونەوەدابن.

لە كۆبونەوەكەدا كە هەڤاڵ زیاد جەبار، لێپرسراوی بۆردی ڕێكخستن ئامادەیبوو، هەڤاڵ جێگری سەرۆك جەختی كردەوە هاوتەریب لەگەڵ بوژانەوەی ڕێكخستنەكانی (ی.ن.ك) لەڕووی چەندیەتییەوە بایەخێكی گرنگ بە گەشەی چۆنایەتی بدەن و هەمیشە لە ناو كۆمەڵانی خەڵكدابن.