تەندروستی سلێمانی ئاماری مانگی رابردووی نەخۆشخانەی د.جەمال ئەحمەد رەشید  بڵاوکردەوە و بە گوێرەی ئامارەکان 12 هەزار و 195منداڵ لە نەخۆشخانەکە بینراون و سەرجەمیان چارەسەری پێویستیان بۆ کراوە.

تەندروستی سلێمانی ئاماژەی بەوەکردوە، لە مانگی رابردودا، هەزار و 410 منداڵ لە نەخۆشخانەکە خەوێندراون، کە 374 حاڵەتی سكچون و راشانەوە و وشكبوونەوە بووە،  464 حاڵەتی هەناسەتوندی تۆماركراون.

هەروەها،  584 منداڵ لە بەشی تیشك و دەمار و 165 منداڵ لە بەشی بەدخۆراكی و 133 منداڵ لە بەشی راهێنانەوەی چارەسەری خۆراك و 513 منداڵ لە بەشی گەشەكردن بینراون و 177 منداڵ لە بەشی نەبەكام داخڵ كراون.

هەر لەو ماوەیەدا لە نەخۆشخانەی د.جەمال ئەحمەد رەشیدی منداڵانی فێركاری  زیاتر لە حەوت هەزار  پشكنینی تاقیگەیی جۆراوجۆر و 103 ئیكۆ و 386 سۆنەر ئەنجام دراوە و 765 تیشك گیراوە.