ترەمپ پێشنیاری ئێران بۆ رێككەوتنی هەمیشەیی ئاگربەست رەتدەكاتەوە    دۆناڵد ترەمپ سەرۆكی ئەمریكا، لە چاوپێكەوتنێكدا لەگەڵ دەزگای پەخشی ئیسرائیلی(كان)  رایگەیاند ،پێداچوونەوەی بە پێشنیاری نوێی ئێران بۆ چارەسەركردنی كێشەكان كردووە و بە قبووڵنەكراو وەسفی كردووە.دۆناڵد ترەمپ لە چاوپێكەوتنەكەدا وتی: من لێكۆڵینەوەم لە پێشنیارە نوێیەكەی ئێران كردووە و بەلامەوە قبوڵكراو نییە،  راشیگەیاند،ئۆپراسیۆنە سەربازییەكان زۆر بە باشی بەڕێوەدەچێت.


تاران لە رێگەی نێوەندگیری پاكستانەوە پێشنیارێكی 14 خاڵیی پێشكەش واشنتۆن كرد، كە بریتی بوون لە:خشتەی كاتی 30 ڕۆژە بۆ كۆتایی هێنان بە شەڕ و پێكدادانەكان و كشانەوەی هێزەكانی ئەمریكا لە دەوروبەری ئێران و هەڵگرتنی گەمارۆی دەریایی لەسەر بەندەرەكانی ئێران،ئازادكردنی سەروەت و سامانی  بلۆكراوی ئێران.

ترەمپ رۆژێك پێش چاوپێكەوتنەكە لە  ترووس سۆشیال نوسیبووی : بەم زووانە پێداچوونەوە بەو پلانەدا دەكەم كە ئێران تازە بۆی ناردوین، بەڵام ناتوانم بیهێنمە پێش چاوم كە قبوڵكراو بێت، چونكە تا ئێستا باجێكی زۆریان نەداوە.

شەڕی نێوان ئەمریكا و ئێران لە 28 ی  شوبات دەستیپێكرد و ئاگربەستێكی  كاتی لە هەشتی نیسانەوە كەوتە بواری جێبەجێكردنەوە، تا ئێستاش تەنها یەك خولی دانوستان لە نێوان هەردوولادا ئەنجامدراوە، ئەویش لە ئیسلام ئاباد.