بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ سەید عەممار حەکیم، سەرۆکی رەوتی حیکمە کۆبووەوە.
لە کۆبوونەوەکەدا کە د. خالید شوانی، وەزیری دادی عیراق ئامادەیبوو، شەڕ و ئاڵۆزییەکانی ناوچەکە و کاریگەرییەکانی لەسەر عیراق خرایەبەر باس.
هەردوولا جەختیان لە دوورخستنەوەی عیراق لە شەڕ و کارکردن بۆ چارەسەرکردنی قەیرانەکان بە رێگەی ئاشتی کردەوە.