.
01:33 PM - 08/02/2026
حكومەتی عیراق بەنیازە نرخی بەنزین گران بكات و رێكخراوێكیش هۆشداری لە دەرەنجامەكانی ئەو هەنگاوە دەدات.
روانگەی ئیكۆ عیراق بڵاویكردووەتەوە، حكومەتی عیراق بەنیازە بە بیانووی بەرزبوونەوەی تێچووی بەرهەمهێنان و هەوڵدان بۆ زیادكردنی داهاتی دەوڵەت نرخی بەنزین و بەرهەمە نەوتییەكان گران بكات.
بەپێی بڵاوكراوەكەی ئەو روانگەیە، زیادكردنی نرخ بەنزینی ئۆتۆمبیل و گازوایل و نەوتی سپی و بەنزینی فڕۆكەش دەگرێتەوە.
روانگەی ئیكۆ، رەخنە لە هەنگاوی گرانكردنی نرخی سووتەمەنی دەگرێت و دەڵێت، ئەو هەنگاوە دەبێتە هۆی بەرزبوونەوەی تێچووی گواستنەوە و بەرهەمهێنان و خزمەتگوزارییەكان و رەنگدانەوەی راستەوخۆشی لەسەر بەرزبوونەوەی نرخی كاڵابنەڕەتیەكان دەبێت.
هاوكات هۆشداری دەدات لەوەی گرانكردنی نرخی سووتەمەنی دەبێتە تێكدانی رێژەی هەڵاوسان و كاریگەری نەرێنی لەسەر چالاكی بازرگانی و پیشەسازی دەبێت، بۆیە پێویستە حكومەت بەدوای رێگەچارەی جێگرەوەدا بگەڕێت.
ئەمەش لە كاتێكدایە،ماوەی چەندین ساڵە نرخی بەنزین و سووتەمەنی لە هەرێمی كوردستان گران كراوە و نرخەكەی دوو هێندەی ناوچەكانی تری عیراقە و بارگرانی زۆری لەر هاووڵاتیان دروستكردووە.
لە تۆڕە کۆمەڵایەتیەکان شەیری بکە
