.

03:02 PM - 13/12/2025

زیانەكانی لافاوەكەی چەمچەماڵ، لەوە زیاترە كە پێشبینی دەكرا و بەپێی راپۆرتی ناوەندی هاوبەشی قەیرانەكان، زیانی لافاوەكەی چەمچەماڵ ‌و دەوروبەری بە 200ملیۆن دۆلار دەخەمڵێندرێت.

 بەپێی راپۆرتی ناوەندی هاوبەشی قەیرانەكان، زیانەكان گەورەن و بەشی زۆری چەمچەماڵ و سنوورەكەی زیانیان بەركەوتووە، بەجۆرێك بەهۆی لافاوەكەوە هەزار و607  خانوو زیانیان بەركەوتووە، 500 ئۆتۆمبێل خراپ بوون، 116 دوكان و ماركێت زیانیان بەركەوتووە، هەروەرها 456 پڕۆژە زیانیان بەركەوتووە. هەروەها دوو كەس گیانیانلەدەستداوە و 12 كەسی تریش برینداربوون،  ژمارەیەكی ئاژەڵ ‌و پەلەوەر لەناو چوون، هاوكات لە چەمچەماڵ لە كۆی  25 باخچە پێنج  باخچەی گەورە بەتەواوی تێكچوون، هەروەها بەهۆی  لافاوەوە  بۆری ئاوی چەمچەماڵ كە لە دەربەندی بازیان ‌و تەكیەوە بۆ چەمچەماڵ دەرۆیشت لەكاركەوتووە و ئاو بۆ چەمچەماڵ ناچێت، بەشێك لە بۆرییەكانی ئاوی بانی مەقانیش بۆ چەمچەماڵ لەكاركەوتوون، بەشێك لە شەقامەكانیش رۆچوون و بەشێكی تریشیان  تێكچوون، وەك شەقامی بەردەم هۆڵی رۆشنبیری و كتێبخانەی گشتی و شەقامی سەرەكیی كەركوك – سلێمانی.