.
04:18 PM - 30/11/2025
دوای مانگێك لەدەستپێكردنەوەی گەشت لەنێوان سلێمانی و توركیا،فڕۆكەخانەی نێودەوڵەتی سلێمانی بڕیاریدا، هەفتانە ژمارەی گەشتەكان زیادبكات بۆ هەشت گەشت.
لەو بارەیەوە دانا محەممەد، بەڕێوەبەری ڕاگەیاندنی فڕۆكەخانەی نێودەوڵەتیی سلێمانی ڕایگەیاند، ڕۆژی سێشەممە 3 ی 12 ی 2025، ژمارەی گەشتەكانی نێوان سلێمانی و توركیا لە چوار گەشتەوە بۆ هەشت گەشت زیاد دەكرێن.
وتیشی، دوای دەستپێكردنەوەی گەشتەكان لەمانگی ڕابردوودا، هەفتانە تەنیا سێ بۆ چوار گەشت ئەنجام دەدران، بەڵام پلانیان هەیە ژمارەكە زیادبكەن تاوەكو هاوشێوەی دۆخی پێش وەستانی گەشتەكانی لێدێتەوە.
ئەمە لەكاتێكدایە توركیا لەرۆژی 3ی 4ی 2023 گەمارۆی خستەسەر فڕۆكەخانەی سلێمانی و دوای تێپەڕبوونی دوو ساڵ و شەش مانگ، دەسەڵاتی فڕۆكەوانیی توركیا، كۆتایی بەقەدەغەكە هێناو لە 3ی 11 2025 یەكەم گەشت لەنێوان هەردوولا ئەنجامدرا.
لە تۆڕە کۆمەڵایەتیەکان شەیری بکە
