.
10:59 AM - 29/11/2025
دوو كەشتی گواستنەوەی نەوت لە دەریای رەش، لە نزیك گەرووی بۆسفۆڕ بە بۆمبی دەریایی كرانە ئامانج و ،مەترسی ژێر ئاو كەوتنیان هەیە.
لەوبارەیەوە وەزارەتی گواستنەوەی توركیا بڵاویكردەوە، رۆژی هەینی دوو كەشتی گواستنەوەی نەوت لە دەریای رەش و نزیك گەرووی بۆسفۆر كراونەتە ئامانج، كە گومان دەكرێت سەر بە روسیا بن.
ئاماژەی بەوەشكردووە، تەقینەوەی یەكەم لە كەشتیی كایرۆس روویداوە كە لە میسرەوە بەرەو روسیا چووە، ئەمەش بووەتە هۆی ئاگركەوتنەوە تیایدا و توانراوە تیمە 25 كەسیەكەی رزگار بكەن.
هاوكات بەڕێوەبەرایەتی كاروباری دەریایی توركیا رایگەیاندووە، كەشتیەكی تری گواستنەوەی نەوت بە ناوی فیرات لە دووری 35 میل لە كەناراوەكانی توركیا كراوەتە ئامانج، بەڵام تیمی كەشتییەكەی كە لە 20 كەس پێكهاتبوون رزگار كراون.
ئەمەش لە كاتێكدایە هەردوو كەشتییەكە، بەهۆی شەڕی ئۆكرانیاوە لە لیستی سزاكانی سەر روسیادان.
لە تۆڕە کۆمەڵایەتیەکان شەیری بکە
