.
03:22 PM - 29/11/2025
حاكم رەمك رەمەزان قائیمقامی چەمچەماڵ بەكەناڵی گەلی كوردستانی رایگەیاند، تاوەكو ئێستا بەرهەمهێنانی غازی سروشتی لە كێڵگەی كۆرمۆر دەستیپێنەكردووەتەوە و تیمە تەكنیكیەكان سەرقاڵی هەڵسەنگاندن و چاككردنەوەی زیانەكانن.
قائیمقامی چەمچەماڵ لە لێدوانێكی تایبەتدا بۆ كەناڵی گەلی كوردستان تەئكیدی كردەوە، تائێستا بەرهەمهێنانی غازی سروشتی لە كێڵگەی كۆرمۆر دەستیپێنەكردووەتەوە‌و، تیمە تەكنیكیەكان سەرقاڵی هەڵسەنگاندن‌و چاككردنەوەی زیانەكانن.
سەبارەت بە بەرهەمهێنانەوەی غازیش، قائیمقامی چەمچەماڵ باسی لەوەكرد، بەهۆی هێرشەكەوە پێدەچێت بەرهەمهێنانی غازی سروشتی لە كێڵگەی كۆرمۆر تاچەند رۆژێكی تر دەستپێنەكاتەوە.
ئەوەش لەكاتێكدایە كە بەپێی زانیارییەكانی گەلی كوردستان، ئەمڕۆ چوار تانكەر غازی شل (LPG) كە بەغازی ماڵانیش ناودەبرێت، لە كێڵگەكەوە گواستراوەتەوە، بەڵام ئەم جۆرە غازە كارەبای لێ بەرهەم ناهێندرێت.
هەر بەپێی زانیارییەكانی گەلی كوردستان، یەكەی بەرهەمهێنانی غازی سروشتی كێڵگەكە زیانی پێنەگەیشتووە، بەڵكو هێرشەكە كۆگای عەمباركردنی غازی كردۆتە ئامانج، بەڵام كۆمپانیای دانەغاز داوای دڵنیایی دەكات.
ئەمەش لە كاتێكدایە تا ئێستا 13 جار، هێرشكراوەتە سەر كێڵگەی غازی كۆرمۆر، كە سەرچاوەی دابینكردنی بەشێكی زۆری كارەبای هەرێمی كوردستانە و ،دوایین جاریش شەوی 26ی 11ی 2025 بوو كە بە مووشەك و درۆن هێرشكرایەسەر كێڵگەكە و بەهۆیەوە بەرهەمهێنانی غاز راگیرا.
لە تۆڕە کۆمەڵایەتیەکان شەیری بکە
