.
04:15 PM - 30/11/2025
بەپێی پێشبینییەكانی كەشناسی، لە 48 سەعاتی داهاتوودا نمەباران دەستپێدەكات و ئەگەری دروستبوونی هەورە بروسكە هەیە.
بەڕێوەبەرایەتی گشتی كەشناسی هەرێم رایگەیاند، لەئەنجامی هاتنی نزمە پاڵەپەستۆی لاواز بۆ سەر ناوچەكە، كەشوهەوا دەگۆڕێت و ئاسمان نیمچە هەور دەبێت، هەروەها پێشبینی نمەباران لەسەر هەندێ ناوچەی شاخاویی هەیە بەشێوەی نمە بارانی پچڕ پچڕ،لە كاتەكانی ئێوارە و شەو .
كەشناسی هەرێم ئاماژەی بەوەشكرد، لەگەڵ ئەو نزمە پاڵە پەستۆ لاوازەی ناوچەكەی گرتووەتەوە پێشبینی دەكرێت سبەینێ ئاسمان بە گشتی نیمچە هەور بێت، هەروەها ئەگەری بارینی باران لە ناوچە شاخاوییە سنوورییەكان و بەشێك لەناوچە شاخاوییەكانی سنوری پارێزگای سلێمانی، هاوكات ئەگەری دروست بوونی هەورە بروسكە هەیە و لەدوای نیوەڕۆش، كەشەكە ئاسایی دەبێتەوە و ئاسمان دەگۆڕێت بۆ پەڵەهەور.
لە تۆڕە کۆمەڵایەتیەکان شەیری بکە
