.

03:24 PM - 29/11/2025

وەزارەتی دارایی هەرێم، خشتەی دابەشكردنی مووچەی مانگی نۆی بڵاوكردەوە، بەپێی خشتەكەش لە سێ‌ رۆژدا مووچەی تەواوی مووچەخۆرانی هەرێمی كوردستان دابەش دەكرێت. 

ئەمڕۆ وەزارەتی دارایی فیدراڵ، زیاتر لە 941 ملیار دیناری وەك تەمویلی مووچەی مانگی  ئەیلولی فەرمانبەران و مووچەخۆرانی هەرێمی كوردستان خستەسەر هەژماری بانكی وەزارەتی دارایی و ئابووری هەرێم لەلقی هەولێری بانكی ناوەندی عیراق.

هەر ئەمڕۆش وەزارەتی دارایی هەرێم خشتەی دابەشكردنی مووچەی مانگی نۆی بڵاوكردەوە‌و بەپێی خشتەكەش، سبەینێ‌ یەك شەممە خانەنشینی مەدەنی و پێشمەرگە، زیندانە سیاسیەكان، بەركەوتوانی كیمیاباران‌و كەس‌وكاری شەهیدان‌و ئەنفالكراوان، پەروەردە، تەندروستی‌و خوێندنی باڵاو توێژینەوەی زانستی مووچەكانیان وەردەگرن، هەروەها رۆژی دووشەممە  مافی مرۆڤ، دەستەی دەستپاكی ،دەستەی  وەبەرهێنان ، دەستەی ژینگە، دەزگای مین ، ناوچەكانی دەرەوەی هەرێم ، كۆمسیۆنی باڵای هەڵبژاردن،  دیوانی چاودێری و دارایی ، خاوەن پێداویستییە تایبەتەكان ،ئاوەدانكردنەوە و نیشتەجێ‌ كردن،درایی و ئابووریی ، ناوخۆ،  داد، ئەنجومەنی دادوەری، پلاندانان، بازرگانی و پیشەسازی، سامانە سروشتییەكان ، گواستنەوەو گەیاندن ،كشتوكاڵ و سەرچاوەكانی ئاو ، شارەوانی و گەشتوگوزار، كاروكاروباری كۆمەڵایەتی ، رۆشنبیری و لاوان ، كارەبا ، ئەوقاف و كاروباری ئاینی، هێزی زێرەڤانی و فەرماندەی بەرگری  فریاكەوتن، سەرۆكایەتی پەرلەمان،  سەرۆكایەتی ئەنجومەنی وەزیران و  سەرۆكایەتی هەرێم مووچەی مانگی نۆ وەردەگرن، هەر بەپێی خشتەكە رۆژی سێ‌ شەممە  هەر یەكە لە  پێشمەرگە (دیوان ،لیواكان)، یەكەی 70 و 80 ، بەرێوەبەرایەتی پۆلیسی دام و دەزگا نەوتییەكان ،ئەنجومەنی ئاسایش و دەزگای ئاسایش مووچەی مانگی  نۆ وەردەگرن.