.
11:22 AM - 29/11/2025
ڕەجەب تەیب ئەردۆگان، سەرۆك كۆماری توركیا ڕەخنە لە سیاسەتی حكومەتەكانی پێش ئاكپارتی دەگرێت و دەڵێت، "هەڵەی مەترسیدار" لە شەڕی دژی پەكەكەدا كراوە.
ئەردۆغان، باسی لە مێژووی بەرەنگاربوونەوەی "تیرۆر" كرد و دانپێدانانێكی دەگمەنی خستەڕوو، لەبارەی ئەو هەڵانەی لە ڕابردوودا بەرامبەر بە دۆسیەی كورد و گرووپە چەكدارەكان كراون.
ئەردۆغان لە وتارەكەیدا وتیشی، هەڵەی زۆر مەترسیدار كراون كە بوونەتە هۆی ئەوەی كێشەكە گەورەتر و ئاڵۆزتر ببێت، بەهۆی ئەو سیاسەتانەوە، پەیوەندیی نێوان دەوڵەت و هاووڵاتی زیانی گەورەی بەركەوتووە.
دەشڵێت، بەرپرسانی ئەو سەردەمە خۆیان لەسەرووی یاسا و هاووڵاتییەوە بینیووە و بە "لووتبەرز" وەسفی كردن، زیانەكانیش تەنها بۆ لایەك نەبوون، بەڵكو هەمووان باجەكەیان داوە .
لە تۆڕە کۆمەڵایەتیەکان شەیری بکە
