.
09:58 AM - 28/11/2025
دۆناڵد ترەمپ سەرۆكی ویلایەتە یەكگرتووەكانی ئەمریكا گیانلەدەستدانی یەكێك لەو سەربازانەی راگەیاند، كە لە نزیك كۆشكی سپی لەلایەن ئەفغانییەكەوە تەقەی لێكرابوو.
لەوبارەیەوە دۆناڵد ترەمپ رایگەیاند، سارا بێكسترۆم یەكێك لەو دوو سەربازەی پاسەوانی نیشتمانی كە لە نزیك كۆشكی سپی تەقەی لێكرابوو، بەهۆی سەختی برینەكەیەوە گیانی لەدەستداوە، لەكاتێكدا سەربازەكەی تر هێشتا لەژێر چاودێریدایە، هاوكات ترەمپ ستایشی سارا بێكسترۆمی كرد و بە ژنێكی گەنجی زۆر تایبەت و ڕێزدار ناویبرد .
ئەمەش لە كاتێكدایە رۆژی پێنجشەممە دۆناڵد ترەمپ هێرشەكەی سەربازانی پاسەوانی نیشتمانی، لە نزیك كۆشكی سپی لە رۆژی سوپاسگوزاریدا بە كارێكی تیرۆریستیی بەرامبەر بە ئەمریكا ناوبردو رایگەیاند، ئەنجامدەری هێرشەكە كۆچبەرێكی ئەفغانی بووە.
لە تۆڕە کۆمەڵایەتیەکان شەیری بکە
