کەناڵی ئاسمانی گەلی کوردستان

  Live

هەواڵەکان

مەكتەبی سیاسیی ی.ن.ك : یەكێتیی هەمیشە پاڵپشتی ژنانی كوردستانە

.

05:13 PM - 25/11/2025

مەكتەبی سیاسیی ی.ن.ك : یەكێتیی هەمیشە پاڵپشتی ژنانی كوردستانە

لە  رۆژی  جیهانیی  بەرەنگاربوونەوەی  توند و تیژی  دژی  ژناندا  

لە مێژووی گەلەكەماندا كچان و ژنانی  كوردستان  لەپای  ئەو رۆڵەی  لە قۆناغەكانی  ژیانی  كۆمەڵایەتی و سیاسی و  تێكۆشاندا هەیان بوە هەمیشە پایە و پێگەیان بڵند بووە بە جۆرێك لاپەڕەكانی مێژوومان و روانگەی رۆژهەڵاتناس و كوردناسان شایەتێكی گەورەن لەم بوارەدا. چەندین  ژنی  بوێر بونەتە سیمبولی سەربەرزی و لە كایەكانی  ژیاندا ئەو  هەلەیان  بۆ ڕەخساوە  كە باشتر  تواناكانیان  بخەنەگەڕ  

ئیمڕۆ و لەم بۆنەیەدا ،  بۆ  ڕەوینەوەی   یەكجارەكی  هەر پێشێلكردنێكی  مافەكانیان و  بنبڕكردنی  هەر هەرەشەیەك كە لەسەر ژیانی  ژنانی  كوردستان بێت   ، گشت هەوڵەكانمان  زیاتر  چڕ دەكەینەوە   بۆ  پاراستن و پشتگیریكردن  لە داواكاریەكانیان و  ئەو مافانەی  كە بە دەستیان  هێناوە 

بە نەهێشتنی  توند و تیژی  دژی ژنان ،  تواناكانی كچ و ژنی كورد زیاتر گەشە دەكات و بەشداریان لە كایەی گشتیدا فراوانتر دەبێت.
یەكێتیی هەمیشە پاڵپشتی ژنانی كوردستانە لە خەباتیان و ڕاماڵینی بەربەستەكانی بەردەمیان لە ناویاندا توندو تیژی لەهەر ئاستێكدا بێت.


مەكتەبی سیاسی 
یەكێتیی نیشتمانیی كوردستان

لە تۆڕە کۆمەڵایەتیەکان شەیری بکە

GK Sat Frequencies

NileSat:V:11564 - 27500

سەرەوە