.
05:07 PM - 25/11/2025
وەزارەتی نەوتی عیراق ئاماری فرۆشی نەوتی مانگی رابردووی بڵاوکردەوە، کە زیاتر لەحەوت ملیار دۆلار بوەو نزیکەی شەش ملیۆن بەرمیل نەوتی هەرێم لەڕێگەی بەندەری جەیهانەوە فرۆشراوە.
ئەمڕۆ سێشەممە 25ی تشرینی دووەمی 2025، وەزارەتی نەوتی عیراق لەڕاگەیەندراوێكدا ئاشكرایكرد، مانگی ڕابردوو نزیکەی 111 ملیۆن بەرمیل نەوت هەناردەکراوە و وتیشی، کۆی فرۆشی نەوتی عیراق حەوت ملیار و 30 ملیۆن دۆلار بوە.
ئاماژەی بەوەشکرد، لەمانگی ڕابردودا پێنج ملیۆن و 834 هەزار بەرمیل نەوتی هەرێمی کوردستان لەڕێگەی بۆری بۆ بەندەری جەیهان لەتورکیا هەناردەکراوەو وتیشی، نەوتی عیراق لەبەسرە و بەندەری جەیهان و دەروازەی ئەردەنەوە هەناردەکراوە.
وەزارەتەکە دەشڵێت، "نەوتی عیراق لە بەسرە و بەندەری جەیهان و دەروازەی ئەردەنەوە هەناردەکراوە".
لە تۆڕە کۆمەڵایەتیەکان شەیری بکە
