.
01:43 PM - 25/11/2025
كۆشكی سپی ئەو تۆمەتانەی ڕەتكردەوە كە دەڵێن دۆناڵد ترەمپ سەرۆكی ئەمریكا لە دانوستانەكانی ئێستای ئۆكرانیا لایەنگری بەرژەوەندییەكانی ڕوسیا دەكا.
كارۆلین لیڤیت وتەبێژی كۆشكی سپی رایگەیاند، ئەمە بۆچونێكی تەواو هەڵەیە و كۆشكی سپی ئەو تۆمەتانەی رەتدەكاتەوە كە دۆناڵد ترەمپ سەرۆكی ئەمریكا لە دانوستانە بەردەوامەكانی شەڕی ئۆكرانیا لایەنگری لە بەرژەوەندییەكانی ڕوسیا دەكات.
كارۆلین لیڤیت وتیی، ئەو تێڕوانینەی كە ویلایەتە یەكگرتووەكانی ئەمریكا لەم شەڕەدا بە یەكسانی ڕەچاوی هەردوو لایەن ناكات بۆ ئەوەی كۆتایی پێبهێنێت، تێڕوانینێكی تەواو هەڵەیە.
ئەمەش لەكاتێكدایە ئیدارەی دۆناڵد ترەمپ، سەرۆكی ئەمریكا پلانێكی 28 خاڵی بۆ كۆتاییهێنان بە جەنگی سێ ساڵەی ڕوسیا و ئۆكرانیا پێشكەشی كیێڤ كردووە و هەفتەیەك مۆڵەتی پێداون بۆ پەسەندكردنی، كە دەبێت دەستبەرداری بەشێك لە خاكەكەی بێت و سەرۆكی ئۆكرانیاش دەڵێت، هەفتەی داهاتوو بۆ وڵاتەكەمان زۆر سەخت دەبێت.
لە تۆڕە کۆمەڵایەتیەکان شەیری بکە