.
10:31 AM - 24/11/2025
سەرچاوەیەكی ئەمنی باڵا، رەتیدەكاتەوە هیچ هێرشێكی درۆنی كرابێتە سەر كێڵگەی غازی كۆرمۆر و دەڵێت، دۆخی كێڵگەكە ئاساییە و تەنیا زەنگی ئاگاداركردنەوە لێدراوە.دوای بڵاوبوونەوەی دەنگۆی هێرشكردنە سەر كێڵگەی كۆرمۆر لە چەمچەماڵ،سەرچاوەیەكی ئەمنی باڵا لە سنووری قادر كەرەم ئەو دەنگۆیانەی رەتكردەوە كە هێرش كرابێتە سەر كێڵگەی كۆرمۆرو رایگەیاند ، بەهۆی بینینی درۆنەكانەوە، بۆ ماوەیەكی كەم زەنگی مەترسیی كێڵگەكە لێیداوە و دواتر دۆخەكە ئاسایی بووەتەوە و هیچ هێرشێك ئەنجام نەدراوە و كۆمپانیایی دانە غازیش بەردەوامە لە كارەكانی.
هاوكات سەرچاوە ئەمنییەكە ئەوەشی ئاشكراكردووە، هێزە ئەمنییەكان بە هاوكاری هێزەكانی هاوپەیمانان لە لە دووری 40 كیلۆمەتر لە كێڵگەی كۆرمۆر لە ناوچەی وادی زغێتون بۆردوومانی مۆڵگەكانی تیرۆریستانی داعشیان كردووە و پێدەچێت درۆنەكە هی ئەو ئۆپراسیۆنە ئەمنییە بێت.
لە تۆڕە کۆمەڵایەتیەکان شەیری بکە
