.
10:37 AM - 16/11/2025
( لە بانگەشەی گەرمیاندا چی روويدا ؟ ئاوڕدانەوەیەک)
یەکێتی نیشتیمانی کوردستان ئەو فەزا دیموکراسیەی کە عەقڵی گەورە بەرهەم ئەهێنێت، ئەو هزرە فکرییەی پڕە لە رەخنە لەپاڵ دەستخۆشی بۆ کاری جوان ، ئەو حیزبەی توانای ئەوەی هەیە لە کەرت و کۆمیتەکانەوە کادری پێشەنگ پێبگەیەنێت و رۆڵی سەرکردایەتی بداتێ. ئەمانە کۆمەڵێکن لەو خەسڵەتە گرنگانەی کەم حیزب هەیەتی.
زۆر کەمن ئەوانەی بوێرن ریسکی وا گەورە بکەن و بتوانن کادری ئازاد دروست بکەن و لێپرسراوێتی رەهای ناوچەیەکی فراونی بدەنێ، چونکە بەخشینی سەرکردایەتی کردنی بازنەیەک بە سەرپەرشتیارێک پێدانی روحە بە کادرانی یەکێتی کە رۆژێک هەر یەکێک لە ئێوە ئەگەرێکن بۆ ئەو جێگایە و ئەمە تاپۆی رەش نیە لەناو یەکێتیدا بەڵکو سێبەری سەوزی یەکێتی یە بەسەر دکتۆرێک و مامۆستایەک و شێخ زادەیەک و کوڕە جووتیارێکەوەیە بێجیاوازی، ئەمە لە کاتێکدا زۆرێک لەو هەڤاڵانەی رۆڵی سەرپەرشتیاری بازنەکانیان وەرگرتووە بە ماوەیەکی زۆر کورت توانویانە بگەنە ئەو ئامانجە گەورەیە. رۆڵی ئیدارەدانی بازنەیەکی هەلبژاردن رۆڵی ئیدارەدانی حیزبە لە ناوچەیەکدا بە شێوەی رەها، ئەگەر گەرمیان وەک نموونە وەرگرین سەرەڕای ئەوەی هەڤالانمان لە دەزگا حکومییەکان ئەرکی زۆر قورسیان بەجێهێناوە و کاری گەورەیان کردووە بۆ خزمەتی گەرمیان و گەرمیانییەکان، هەر لە پارک و جادەی دووسایدو باڵەخانە و شوێنی گەشتیاری، لەگەڵ ئەوەشدا هەڤاڵانمان لە مەڵبەندی رێکخستنی گەرمیان وەک سەربازی وون ماوەیەکی زۆر کاری حزبی و رێکخراوەییان راپەراندووە، بەڵام هەموو ئەم کارانەو دەیان و سەدان کاری دیکە پێویستە تەرجەمە بکرێت بۆ زمانێک بگاتە هاوڵاتی ئاسایی و جەماوەری خەلکی لایەنگرو دۆستی یەکێتی کە ئەمەش ئەرکێکی یەکجار قورسە و بەرپرسیارێتی یەکەمی لێپرسراوی بازنەی هەلبژاردنە. لێرەوە جێگەی خۆیەتی ئێمە وەک هەڤالانی یەکێتی لە گەرمیان دەستخۆشی لە سەرپەرشتیاری بازنەی هەلبژاردنی گەرمیان کاک شێخ ئەحمەد حەمە کەریم بکەین و تەواوی ئەو هەڤالانەی لەژێر فەرمانی ئەودا شەو ورۆژ ماندووبوونیان نەدەزانی و تا ئەم چرکەیەش وچانێکیان نەدا. سێ مانگە یەکێتی نیشتمانی کوردستان لە گەرمیاندا و لەرێی سەرپەرشتیاری بازنەی هەڵبژاردنی گەرمیانەوە روح ئەکاتەوە بە بەر دەنگدەرانی خۆیداو کۆبوونەوەو شەونشینی و دانیشتنەکان سەوزپۆش ئەکا و لە مۆستایانی ئاینی و خزمەتی مزگەوتەکانەوە بۆ خوێندگاکان و مامۆستایانی پەروەردە و لەوێوە بۆ چینی خۆێنەران و کۆڕی ئەدەبی و هاندانی ئەدیبان وهونەرمەندان و دواتر بۆ ناو تەندروستی و خزمەتی نەخۆشخانەکانی کەلار و کفری و رزگاری وسەرقەڵا، دواتر بەناو ئاپۆرای جەماوری هۆزەکانی جاف و زەنگەنە و باجەلان و بێویانی و داودی و کێژ و ساداتی شێخان و چین و توێژەکانی کۆمەڵگا لە گەرمیاندا، بە دلنیاییەوە ئەمە زامنی بەدەستهێنانی دەنگێگی زۆر باشبوو، بۆیە کاریی باش و ماندوێتی زۆر جێگەی دەستخۆشی یە.
گرنگە لام لێرەدا بڵێم ماندوێتی زۆری هەڤالان لە کاک شێخ ئەحمەد و هەڤاڵان لە مەلبەند و کۆمیتەکان و رێکخراوەکان پێویستی بە شەرارەی پەیام و دەرکەوتنی سەرۆک بافڵ تاڵەبانی هەبوو تا بگەنە دڵی جەماوەر، ئەو سەرۆکەی ئەمرۆ لە گەرمیان بوو سبەی لەکۆیە بوو، دوو سبەی لە کەرکوک، دوو شەمم لە هەلەبجەو سێ شەم لە هەولێر و چوارشەمم لە نەینەوا و پێنج شەمم لە خانەقین و خاتیمەکەشی بە شارە حەیاتەکە بوو. ئەو سەرۆکەی ئەو هەموو ستراتیجە جیاوازەی هەلبژاردن پەیرەو بکات، ئەو سەرۆکەی لە هەموو هەڤاڵەکانی زیاتر ماندووببێ ،بەرهەمی ماندووبونی خۆی وەرئەگرێتەوە و،بۆ هەر دەنگێکی زیاد هەزاران جار پیرۆزی
بێت و پیرۆزمان بێت .
لە تۆڕە کۆمەڵایەتیەکان شەیری بکە
