.
02:50 PM - 15/11/2025
سوپای پاسدارانی ئێران، دەستی بەسەر كەشتییەكی گواستنەوەی بەرهەمە نەوتییەكاندا گرت، كە ئاڵای دوورگەكانی مارشاڵی هەڵكردووە‌و بەنزین‌و گۆگردی بۆ ئیمارات گواستۆتەوە.
ئاژانسی رۆیتەرز بڵاویكردەوە، سوپای پاسداران دەستی بەسەر كەشتییەكدا گرتووە كە بەنزین و گۆگردی لە سەنگاپورە وە بۆ شاریقەی ئیمارات دەگواستەوە.
هێزی دەریایی بەریتانیاش پشتڕاستی كردووەتەوە كە هێزەكانی ئێران دەستیان بەسەر كەشتییەكەدا گرتووە و بەرەو سنوورە ئاوییەكانی ئێران گواستویانەتەوە.
سوپای پاسدارانی ئێران لە ساڵانی رابردوودا لە سنوورە ئاوییەكانی كەنداو چەند جارێك دەستی بەسەر كەشتییە بازرگانییەكاندا گرتووە‌و هۆكارەكەشی بۆ پێشێلكاریی، سەرپێچیی تەكنیكی، یا ناكۆ كیی یاسایی گەڕاندووەتەوە.
لە تۆڕە کۆمەڵایەتیەکان شەیری بکە
