.
11:07 AM - 09/09/2025
بەیانی ئەمڕۆ سێشەممە، هەردوو وەفدی دانوستانكاری هەرێم و عیراق كۆبوونەوە سەبارەت بە پرسەكانی داهاتی نانەوتی و هەناردەكردنەوەی نەوتی هەرێم و چەند پرسێكی تری نێوان هەرێم و بەغدا.
بەپێی زانیارییەكان ئەمڕۆ هەردوو وەفدەكە دەبێت لەسەر راپۆرتی كۆتایی داهاتی نانەوتی و پرسی هەناردەكردنی نەوت و تەواوی ئەو خاڵانەی ماون رێككەوتنیان لەسەر بكرێت رێك بكەون و لە كۆبوونەوەی ئەمڕۆی ئەنجومەنی وەزیرانی عیراق ، بەسەرۆكایەتی محەمەد شیاع سودانی، سەرۆك وەزیرانی عیراق ئەوپرسانە تاوتوێ بكرێت و بڕیار لە خەرجكردنی مووچە بدرێت.
هاوكات بەیانی ئەمڕۆ سێشەممە، وەزارەتی دارایی هەرێمی كوردستان رایگەیاند، لیستی مووچەی مانگی ئابی رەوانەی وەزارەتی دارایی عیراق كردووە و چاوەڕوانیش دەكرێت هەرێم و بەغدا لە كەمترین ماوەدا بگەنە ڕێككەوتنی كۆتایی لەسەر پرسی مووچە.
لە تۆڕە کۆمەڵایەتیەکان شەیری بکە
